Брэндийн тухай

Марутака Клөүдинг ХК (Marutaka Clothing Co., Ltd.) нь дэлхийн булан бүр дэх энхрий бяцхан, ухаалаг томоогүй багачуудад аз жаргал, инээмсэглэл бэлэглэх чанартай, байгаль орчинд ээлтэй, өмсөхөд тухтай хувцас үйлдвэрлэхийг зорин 1953 оноос эхлэн үйл ажиллагаагаа явуулж эхэлсэн олон жилийн түүхтэй, үлэмж их туршлагатай компани юм. Тус компани өргөжин дэвжсээр 2023 оны байдлаар Япон улсад нийт 500 гаруй салбар дэлгүүрийг нээж хэрэглэгчдийн сэтгэлд хүрсэн олон жил өмсөх сайн чанарын хувцас үйлдвэрлэж хүргэсээр байна. Үүгээр зогсохгүй Хятад улс даяар онлайн дэлгүүрээр дамжуулан хувцас, хэрэгслүүдээ борлуулж ард олны сайшаалыг хүртээд байгаа.

Марутака Клөүдинг ХК (Marutaka Clothing Co., Ltd.)  нь 70 жилийн турш олны хайр хүндэтгэлийг хүртсэн хүүхдийн брэндийг хөгжүүлж хүүхдийн биед харшил өгөхгүй, хөлрөхөд бактери үржин таагүй үнэр шингэхгүй дэвшилтэт хөвөн даавуун материалаар хувцас, хэрэгслийг урлан худалдаалдаг. 

Марутака Клөүдинг компанийн үйлдвэрлэлийн гол зарчим нь “Олон жил өмсөх чанартай хувцас үйлдвэрлэх” юм.

Марутака Клөүдинг ХК (Marutaka Clothing Co., Ltd.)-ийн хүүхдийн хувцасны брэнд тус тус өөр өөрийн онцлог, хэв маягтай билээ.

Бидний хүүхдийн хувцасны дэлгүүр болон онлайн худалдааны сайтын төлөөлөл болсон Moujonjon брэнд хүүхэд өмсөхөд тав тухтайгаас гадна олон янзын хөөрхөн дүрслэл, хээ, гоёл чимэглэлтэй учир хүүхдийн санаа бодол, мэдрэмжийг илэрхийлж өгөхөд тусалдаг.

Харин Kid’s zoo брэнд нь нялх нярай, дөнгөж төрсөн хүүхдэд зориулагдсан өхөөрдөм, эгдүүтэй, өмсүүлж тайлахад хялбар загвартай бөгөөд зөөлөн, дулаахан мэдрэмж төрүүлдэг. 

Kids Foret бол хүүхдийн юмс бүхнийг сониучирхдаг, орчлон ертөнцийг гэгээлгээр хардаг тэрхүү өнгө аясыг тодотгон харуулсан төрөл бүрийн хувцас хэрэгслийг өөртөө цогцлоосон өнгөлөг дүр төрхтэй брэнд юм. 

Daddy oh Daddy брэнд хүүхдийн бүтээлч сэтгэлгээг илтгэсэн илүү орчин үеийн чөлөөт, ганган дэгжин хэв маягтай бөгөөд зарим загварын хувцасыг хүү, охин хоёул өмсөх боломжтойгоороо онцлог.

Марутака Клөүдинг ХК (Marutaka Clothing Co., Ltd.)-ийн үйлдвэрийн ажилчид хатгамал, гоёл чимэг, дүрслэл бүрийг сэтгэлээ шингээн өөрийн гараар оёж бэхэлдэг тул гагцхүү хэрэглэгч танд л зориулж урладаг.